ရှုံးသွားရင်တောင် နိုင်နေမယ့်အလုပ် လုပ်ပါ (Dr. Phyo Paing)

“ရှုံးသွားရင်တောင် နိုင်နေမယ့် အလုပ်လုပ်ပါ”။ ဆိုပါတော့ ကိုယ် လုပ်ငန်း စတယ်။ အောင်မြင်ရင် ငွေရတယ်။ ရှုံးရင် သင်ခန်းစာ ရတယ်။ ဒါဆို ဘယ်မှာ ရှုံးတာလဲ။

ကိုယ် content ရေးတယ်။ Viral ဖြစ်ရင် Follower တက်တယ်။ Viral မဖြစ်ရင် ကိုယ့်အတွေးက ပိုရှင်းသွားတယ်။ ဒါဆို ဘယ်မှာ ရှုံးတာလဲ။ ကိုယ် ကျွမ်းကျင်မှု သင်တယ်။ အလုပ်ရရင် ငွေရတယ်။ အလုပ်မရရင် ကိုယ့် skill က ကိုယ့်ဆီ ကျန်တယ်။ ဒါဆို ဘယ်မှာ ရှုံးတာလဲ။

ရှုံးသွားရင်တောင် နိုင်နေမယ့်အလုပ်ဆိုတာ ကိုယ် Gym သွားတယ်။ ကိုယ်ခန္ဓာ ပြောင်းသွားတယ်။ ဒါပေမဲ့ မပြောင်းရင်တောင် ကျန်းမာရေးကောင်းသွားတယ်။ ကိုယ် စာအုပ်ရေးတယ်။ ရောင်းကောင်းရင် ဝင်ငွေရတယ်။ မရောင်းရင်တောင် ကိုယ့်အတွေးတွေ စုစည်းပြီးသားဖြစ်သွားတယ်။ ကိုယ် လူတွေကို သင်ပေးတယ်။ ပိုက်ဆံရရင် ကောင်းတယ်။ မရရင်တောင် ကိုယ်က ပိုနားလည်သွားတယ်။

ဒီစာအုပ်မှာ Strategy၊ Leadership နဲ့ Wealth Management ဆိုပြီး အပိုင်း ၃ ပိုင်းပါဝင်ပြီး ကိုယ့်ရဲ့ ဘ၀၊ ငွေကြေးကြွယ်၀မှုနဲ့ စီးပွားရေးတိုးတက်ပြောင်းမှုဆိုင်ရာ အတွေးအမြင်နဲ့ အတွေ့အကြုံတွေကို လေ့လာဖတ်ရှုရမှာဖြစ်ပါတယ်။

✍Dr. Phyo Paing