ဆယ်ကျော်သက်ဒိုင်ယာရီ (အက္ခရာ)

စာညွှန်း....

ဆယ်ကျော်သက်...။ လူ့ဘဝရဲ့ အလှပဆုံးအချိန်လို့ ပြောကြပေမဲ့ တကယ်တမ်းတော့ လမ်းပျောက်မှုတွေ၊ ရှုပ်ထွေးတဲ့ ခံစားချက်တွေ၊ အနာဂတ်အတွက် စိုးရိမ်စိတ်တွေနဲ့ အပြည့်နှက်ဆုံးအချိန်လည်း ဖြစ်နေတတ်ပါတယ်။

ဒီစာအုပ်ဟာ အတွေးသက်သက်ရေးထားတဲ့ လမ်းညွှန်မဟုတ်ပါဘူး။ စာရေးသူကိုယ်တိုင် ဖြတ်သန်းခဲ့ရတဲ့ ဆယ်ကျော်သက်ဘဝရဲ့ အတွေ့အကြုံအစစ်တွေပေါ်မှာ အခြေခံပြီး တကယ်လက်တွေ့အသုံးချလို့ရတဲ့ ဖြေရှင်းချက်တွေကိုသာ စုစည်းတင်ပြထားတဲ့ 'လက်စွဲစာအုပ်' တစ်အုပ် ဖြစ်ပါတယ်။

ကိုယ့်တန်ဖိုးကို ဘယ်လိုရှာဖွေမလဲ (Personal Development)၊ ပတ်ဝန်းကျင်နဲ့ မိသားစုကြားက ဆက်ဆံရေးတွေကို ဘယ်လိုတည်ဆောက်မလဲ (Social & Relationship)၊ အသည်းကွဲခြင်းကို ခွန်အားအဖြစ် ဘယ်လိုပြောင်းလဲမလဲ (Love & Romance) ကနေ... ကိုယ့်ရဲ့ရည်မှန်းချက်နဲ့ မိဘရဲ့မျှော်လင့်ချက်ကို ဘယ်လိုညှိနှိုင်းမလဲ (Future & Career) ဆိုတဲ့ အရေးကြီးဆုံးအချက်တွေအထိ အပိုင်းလိုက် လမ်းညွှန်ပေးမှာပါ။

ဒါ့အပြင် အခန်းတိုင်းရဲ့အဆုံးမှာ စာဖတ်သူလေးတို့ကိုယ့်တိုင် ပါဝင်စဉ်းစားရမယ့် Challenge ကဏ္ဍတွေ၊ ကိုယ့်အတွေးတွေကို ပြန်ချရေးရမယ့် Note Down အပိုင်းတွေက ဒီစာအုပ်ကို သာမန်စာအုပ်တစ်အုပ်ထက်ပိုတဲ့ 'ကိုယ်ပိုင်ဒိုင်ယာရီ' တစ်အုပ်အဖြစ် ပြောင်းလဲပေးပါလိမ့်မယ်။

ဒီစာအုပ်ဟာ လမ်းပျောက်နေတဲ့ စာဖတ်သူလေးအတွက် လမ်းပြမြေပုံတစ်ခု ဖြစ်လာမှာမဟုတ်ဘဲ၊ ကိုယ့်လမ်းကိုယ် ယုံကြည်မှုအပြည့်နဲ့ ဖောက်နိုင်ဖို့အတွက် လိုအပ်တဲ့ 'သံလိုက်အိမ်မြှောင်' တစ်ခု ဖြစ်လာပါလိမ့်မယ်။

📚📚📚📚📚📚📚📚📚📚📚📚📚📚

📕စာအုပ်အမည် - ဆယ်ကျော်သက်ဒိုင်ယာရီ

(Diary of Teenager)

📝စာရေးသူ - အက္ခရာ(HARUKI)

📑စာမျက်နှာ - ၁၆၀

----------------------------