စိတ်ကို လွှမ်းမိုး ခြယ်လှယ်ခြင်း (သုခကျော်)

စိတ်ကို လွှမ်းမိုးခြယ်လှယ်ခံရနေပြီလား..?

ယနေ့ခေတ်ကြီးမှာ ကျွန်တော်တို့မသိလိုက်ဘဲ ကျွန်တော်တို့ရဲ့ စိတ်ခံစားချက်တွေ၊ ဆုံးဖြတ်ချက်တွေကို သူတစ်ပါးက လွှမ်းမိုးခြယ်လှယ်နေတာကို ခံရနိုင်ခြေ အလွန်များပါတယ်။ ဒီစာအုပ်ကတော့ ကိုယ့်ရဲ့စိတ်ကို သူတစ်ပါးက ကြိုးကိုင်ခြယ်လှယ်ခြင်း (Manipulation) မပြုလုပ်နိုင်အောင် ဘယ်လိုကာကွယ်မလဲ၊ တစ်ဖက်မှာလည်း လိုအပ်လာတဲ့အခါ လူမှုဆက်ဆံရေးနယ်ပယ်မှာ ကိုယ်က ဘယ်လို ဦးဆောင်လွှမ်းမိုးနိုင်မလဲဆိုတဲ့ နည်းလမ်းတွေကို အသေးစိတ် ရှင်းလင်းတင်ပြထားပါတယ်။

ဘာကြောင့် ဒီစာအုပ်ကို ဖတ်သင့်တာလဲ..?

Dark Psychology နည်းလမ်းတွေဟာ တစ်ဖက်လူရဲ့ ခံစားချက်နဲ့ ကိုယ်ချင်းစာတရားကို လျစ်လျူရှုပြီး ကိုယ်လိုချင်တာရဖို့ ဦးတည်လေ့ရှိတာကြောင့် အလွန်အန္တရာယ်များတယ်လို့ ဆိုနိုင်ပါတယ်။ ဒါပေမဲ့ "အန္တရာယ်ရှိမှန်းသိမှ ရှောင်ကွင်းနိုင်မယ့် နည်းလမ်းကို ရှာဖွေနိုင်မှာ" ဖြစ်ပါတယ်။

 အကာအကွယ်ရယူခြင်း - "အနာသိမှ ဆေးရှိမယ်" ဆိုတဲ့အတိုင်းပါပဲ။ လူတွေက ကိုယ့်ကို ဘယ်လိုနည်းတွေနဲ့ စိတ်ကစားပြီး အမြတ်ထုတ်တတ်လဲဆိုတာကို သိထားမှသာ အဲဒီထောင်ချောက်တွေထဲကနေ လွတ်မြောက်အောင် ကိုယ့်ကိုယ်ကိုယ် ကာကွယ်နိုင်မှာ ဖြစ်ပါတယ်။

 လက်တွေ့ဘဝနှင့် ဆက်စပ်ခြင်း - ဒီစာအုပ်မှာ စာတွေ့သဘောတရားတွေချည်းပဲ မဟုတ်ဘဲ လုပ်ငန်းခွင်၊ လူမှုပေါင်းသင်းဆက်ဆံရေးနဲ့ Social Media (လူမှုကွန်ယက်) တွေပေါ်မှာပါ တွေ့ကြုံနေရတဲ့ စိတ်ပိုင်းဆိုင်ရာ တိုက်ခိုက်မှုတွေ၊ ကြိုးကိုင်ခြယ်လှယ်သူ (Manipulators) တွေရဲ့ သွင်ပြင်လက္ခဏာတွေကို ကွက်ကွက်ကွင်းကွင်း ရှင်းပြထားပါတယ်။

 တန်ပြန်တိုက်စစ် - မိမိကို လာရောက်ခြယ်လှယ်သူတွေကို ဘယ်လိုတုံ့ပြန်မလဲ၊ သူတို့ရဲ့ စိတ်ပိုင်းဆိုင်ရာ ထောင်ချောက်တွေထဲကနေ ဘယ်လိုရုန်းထွက်မလဲဆိုတာကို လက်တွေ့ကျကျ လမ်းညွှန်ပေးထားပါတယ်။

စာဖတ်သူအနေနဲ့ ဒီစာအုပ်ထဲက အချက်အလက်တွေကို မိမိရဲ့ ဉာဏ်ပညာနဲ့ ယှဉ်ပြီး ကောင်းမွန်စွာ အသုံးချတတ်မယ်ဆိုရင်တော့ သူတစ်ပါးရဲ့ မရိုးသားတဲ့ ရည်ရွယ်ချက်တွေကို ကြိုတင်ရိပ်စားမိလာမယ်။ မိမိရဲ့ စိတ်ဓာတ်ကြံ့ခိုင်မှုကို တည်ဆောက်လာနိုင်မယ်။ လူမှုဆက်ဆံရေးနယ်ပယ်မှာ ပါးနပ်လိမ္မာစွာ ဆက်ဆံတတ်လာစေမယ့် အကျိုးကျေးဇူးတွေကို ရရှိစေမှာ ဖြစ်ပါတယ်။

စိတ်ကို လွှမ်းမိုးခြယ်လှယ်ခြင်း

သုခကျော်

စာမျက်နှာ - ၁၂၈