မှတ်ဉာဏ် (ဒေါက်တာခင်မောင်လွင်)

📗မှတ်ဉာဏ်

✍ဒေါက်တာခင်မောင်လွင်(FAME)

Book Review

လူတစ်ယောက်အတွက် မှတ်ဉာဏ်မှာ လွန်စွာအရေးပါလှသည်။ ငယ်စဉ်ဘဝ ကျောင်းနေစဉ် ကာလမှ စတင်ကာ ပညာသင်နေဆဲ ကျောင်းသား/သူများအနေဖြင့် မိမိသင်ယူကျက်မှတ်ထားသော စာများကို ကောင်းစွာမှတ်မိနေမှသာ စာမေးပွဲ၌ ထူးချွန်စွာ အောင်မြင်နိုင်ပါလိမ့်မည်။

ဤစာအုပ်တွင် မှတ်ဉာဏ်နှင့်ပတ်သက်သည့် ဆေးပညာဆိုင်ရာ ဗဟုသုတများကို အတတ်နိုင်ဆုံး အများနားလည်စေရန် ရေးသားဖော်ပြထားပါသည်။ အာရုံငါးပါးမှရရှိလာသည့် အချက်အလက်များကို ရေတိုမှတ်ဉာဏ်နှင့် ရေရှည်မှတ်ဉာဏ်အဖြစ် ဦးနှောက်အတွင်း မည်သို့မည်ပုံ သိမ်းဆည်းထားကြောင်း သိရှိရပါလိမ့်မည်။

မှတ်ဉာဏ် ပိုမိုကောင်းမွန်အောင် အနေအထိုင်အစားအသောက်မှအစ မှီဝဲသင့်သည့် အစားအစာများ၊ ရှောင်ကြဉ်သင့်သည့် ဆေးဝါးများ အစရှိသည့် ဆောင်ရန်ရှောင်ရန်များကိုပါ ဖော်ပြပေးထားသဖြင့် စာဖတ်သူများအတွက် အကျိုးရှိစေမည့် စာအုပ်တစ်အုပ်ဟု ဆိုချင်ပါသည်။