ခေါင်းဆောင်မှုနှင့် စီမံခန့်ခွဲမှု အတတ်ပညာ(ဒေါက်တာသိန်းထွန်း)

ခေါင်းဆောင်မှုဆိုင်ရာ အခြေခံသဘောတရားများ (Basic Concepts of Leadership)

ခေါင်းဆောင်မှုဆိုသည်မှာ စီမံအုပ်ချုပ်သူ အကြီးအကဲ မန်နေဂျာတစ်ဦးအဖို့ ပေးထားသော အခြေအနေတစ်ရပ်တွင် မိမိအဖွဲ့အစည်းမှ လက်အောက်ငယ်သားများအား ချမှတ်ထားသော မျှော်မှန်းချက်နှင့် ပန်းတိုင်သို့ ရောက်ရှိလာအောင် လမ်းညွှန်ခြင်း၊ ဦးဆောင်ဦးရွက်ပြုခြင်း အပါအဝင် စည်းရုံးလှုံ့ဆော်ခြင်း စသည့် ဖြစ်စဉ်များပါဝင်သော အတတ်ပညာတစ်ရပ်ဖြစ်သည်။

ထို့အပြင် မိမိလက်အောက်ငယ်သားများ အနေဖြင့် အလုပ်ကို ယုံကြည်ချက်ရှိရှိဖြင့် စိတ်အားထက်သန်စွာ လုပ်ဆောင်နိုင်စေရန် အစ ပျိုးပေးနိုင်သော မန်နေဂျာကောင်းတစ်ယောက်၏ စွမ်းရည်ပင် ဖြစ် သည်။ ကောင်းမွန်သော ခေါင်းဆောင်မှုပေးခြင်းသည် မိမိလုပ်ဖော် ကိုင်ဖက်၊ လက်အောက်ငယ်သားများ၏ အမူအကျင့်နှင့် ၎င်းတို့၏ စွမ်းဆောင်ချက်များကို အဖွဲ့အစည်း၏ ရည်မှန်းချက်ပန်းတိုင်သို့ ရောက်ရှိစေနိုင်သော တွန်းအားတစ်ရပ်ပင် ဖြစ်သည်။ ခေါင်းဆောင် မှုတွင် အမြော်အမြင် ကြီးမားမှုနှင့် အနာဂတ် မျှော်မှန်းချက်ကို တိကျ စွာ ချမှတ်ထားမှုတို့ ပါဝင်ပြီး၊ ထိုမျှော်မှန်းချက်တို့ကို ရရှိစေရန် ကြိုးပမ်း အားထုတ်မှုများလည်း ပါဝင်သည်။